ହନୁମାନ୍ କାହିଁକି ଶନିଙ୍କ ଠୁ ଅଧିକ ଶକ୍ତିଶାଳୀ ?

ମହାନ୍ ପରାକ୍ରମୀ ହନୁମାନ୍ ଅମର ଅଟନ୍ତି | ପବନ ପୁତ୍ର ହନୁମାନ୍ ରଘୁ କୁଳ ର କୁମାର ମାନଙ୍କ କହିବା ଅନୁସାରେ ସେ ପ୍ରତିଦିନ ତାଙ୍କ ଆତ୍ମ କଥାର କୌଣସି ଅଂଶ ଶୁଣାଉ ଥିଲେ |
ସେ ତାଙ୍କର ଆତ୍ମ କଥା ଆରମ୍ଭ କଲେ |

ମୁଁ ଥରେ ସନ୍ଧ୍ୟା ସମୟରେ ମୋର ପ୍ରଭୁ ଆରାଧ୍ୟ ଶ୍ରୀ ରାମ ଙ୍କୁ ସ୍ମରଣ କରୁଥିଲି | ସେହି ସମୟରେ ଗ୍ରହ ଙ୍କ ମଧ୍ୟରେ ପାପି ଗ୍ରହ ତଥା ମନ୍ଦ ବୁଦ୍ଧି ସୂର୍ଯ୍ୟ ଦେବ ଙ୍କ ପୁତ୍ର ଶନି ଦେବ ଆସିଲେ | ସେ ଅତ୍ୟନ୍ତ କଳା ଓ ଭୀଷଣାକାୟ ଦେଖା ଯାଉ ଥିଲେ | ସେ ତାଙ୍କ ମୁଣ୍ଡ ପ୍ରାୟତ ନୁଆଁଇ ରଖୁଥିଲେ | ଯାହା ଉପରେ ତାଙ୍କର ଦୃଷ୍ଟି ପଡୁଥିଲା ସେ ନଷ୍ଟ ହୋଇଯାଉଥିଲା | ଶନି ଦେବ ହନୁମାନଙ୍କ ବହୁବଳ ଓ ପରାକ୍ରମ ଜାଣି ନ ଥିଲେ |

ହନୁମାନ ତାଙ୍କୁ ଲଙ୍କାରେ ରାବଣ ଠାରୁ ମୁକ୍ତ କରିଥିଲେ | ସେ ହନୁମାନଙ୍କୁ ବିନୟ ପୁର୍ବକ କିନ୍ତୁ କର୍କଶ ସ୍ବରରେ କହିଲେ “ ମୁଁ ଆପଣଙ୍କୁ ସାବଧାନ କରିଦେଉଛି ” | ତ୍ରେତୟା ଯୁଗର କଥା ଅଲଗା ଥିଲା | ଏବେ କଳି ଯୁଗ ଆରମ୍ଭ ହୋଇ ଗଲାଣି |

ଭଗବାନ ଶ୍ରୀ କୃଷ୍ଣ ଯେବେ ଠାରୁ ତାଙ୍କର ଅବତାର ଲିଳା ସମାପ୍ତ କରିଛନ୍ତି ସେବେଠାରୁ କଳିର ପ୍ରାଦୁର୍ଭାବ ଆରମ୍ଭ ହୋଇଯାଇଛି | କଳି ଯୁଗରେ ଆପଣଙ୍କ ଶରୀର ଦୁର୍ବଳ ଏବଂ ମୋର ଶରୀର ବଳିଷ୍ଠ ହୋଇଯାଇଛି | ଏବେ ଆପଣ ମୋର ଦଶାରେ ପ୍ରଭାବିତ ହେବେ | ମୁଁ ଆପଣଙ୍କ ଶରୀର କୁ ଆସିବି | ଶନି ଦେବ କିନ୍ତୁ ଜାଣି ନ ଥିଲେ କି ଭଗବାନ୍ ଶ୍ରୀ ରାମଙ୍କ ଚରଣାଶ୍ରିତ ଙ୍କୁ କାଳ ର ପ୍ରଭାବ ପଡେ ନାହିଁ |

ସମଗ୍ର ବ୍ରହ୍ମାଣ୍ଡ ରେ ସମସ୍ତଙ୍କୁ ନିୟନ୍ତ୍ରଣ ସଂଚାଳନ ପୋଷଣ ଭଗବାନ କରନ୍ତି | ଭଗବାନ ଙ୍କ ସେବକ ଙ୍କୁ କେହିବି ଖରାପ ଦୃଷ୍ଟି ଦେଲେ ତାର ସ୍ବୟଂ ଅନିଷ୍ଟ ହୁଏ | ଶନି ଦେବ ଙ୍କ ଅଗ୍ରଜ ଯମରାଜ ବି ପ୍ରଭୁ ଙ୍କ ଭକ୍ତ ଙ୍କୁ ଦେଖିବାକୁ ସାହସ କରନ୍ତି ନାହିଁ |
ହନୁମାନ ଶନି ଦେବ ଙ୍କୁ ବହୁତ ବୁଝାଇବାକୁ ଚେଷ୍ଟା କଲେ ଯେ ଆପଣ ଅନ୍ୟତ୍ର ଯାଆନ୍ତୁ | ଗ୍ରହର ପ୍ରଭାବ ମରଣଶୀଳ ପ୍ରାଣୀଙ୍କ ଉପରେ ପଡିଥାଏ |
ମୁଁ ପ୍ରଭୁ ଶ୍ରୀ ରାମ ଙ୍କ ଭକ୍ତ | ପ୍ରଭୁ ଶ୍ରୀ ରାମ ଙ୍କ ବ୍ୟତୀତ ମୋର ଶରୀର ରେ ଅନ୍ୟ କାହା ପାଇଁ ସ୍ଥାନ ନାହିଁ | କିନ୍ତୁ ଶନି ଦେବ ଙ୍କୁ ଏଥିରେ ସନ୍ତୋଷ ମିଳିଲା ନାହିଁ | ସେ କହିଲେ କି ମୁଁ ସୃଷ୍ଟିକର୍ତ୍ତା ଙ୍କ ନିୟମ ରେ ବନ୍ଧା | ଆପଣ ପୃଥିବୀ ରେ ରହୁଛନ୍ତି | ତେଣୁ ଆପଣ ମୋର ପ୍ରଭୁତ୍ବ ର ବାହାରେ ନୁହେଁ |
ପୁଣି ହନୁମାନ କହିଲେ କି ଯଦି ଆପଣଙ୍କର ଆସିବାର ଅଛି ତେବେ ଆସନ୍ତୁ | କିନ୍ତୁ ଭଲ ହୋଇଥାନ୍ତା ଯଦି ଆପଣ ମୋ ଭଳି ବୃଦ୍ଧ କୁ ଛାଡି ଦେଇଥାନ୍ତେ | ଏହା ପରେ ହନୁମାନ ପଚାରିଲେ ଆପଣ ମୋ ଶରୀରରେ କେଉଁଠି ବିରାଜମାନ କରିବେ ? ଶନି ଦେବ ଗର୍ବର ସହ କହିଲେ ମୁଁ ପ୍ରାଣୀମାନଙ୍କ ମୁଣ୍ଡ ଉପରେ ବିରାଜ ମାନ କରେ |
ମୁଁ ଅଢେଇ ବର୍ଷ ପ୍ରାଣୀର ମୁଣ୍ଡ ଉପରେ ବିରାଜି ବୁଦ୍ଧି ବିଚଳିତ କରେ | ଅଢେଇ ବର୍ଷ ପେଟରେ ରହି ଶରୀରକୁ ଅସ୍ଥିର କରେ |

ଶେଷ ଅଢେଇ ବର୍ଷ ଗୋଡ ରେ ରହି ଏଣେତେଣେ ବୁଲାଏ |
ଶନି ଦେବ ହନୁମାନଙ୍କ ମୁଣ୍ଡ ଉପରେ ଆସି ବସିଲେ ତ ହନୁମାନଙ୍କ ମୁଣ୍ଡ କୁଣ୍ଡାଇ ହେଲା | ଏହାକୁ ନାଶ କରିବା ପାଇଁ ହନୁମାନ ଏକ ବଡ ପର୍ବତ ଉଠାଇ ଆଣି ମୁଣ୍ଡ ଉପରେ ରଖି ଦେଲେ |
ଶନି ଦେବ ଚିଲେଇ କହିଲେ ଆପଣ ଏ କଣ କରୁଛନ୍ତି ? ଯେପରି ଆପଣ ସୃଷ୍ଟିକର୍ତ୍ତାଙ୍କ ନିୟମ ଅନୁସାରେ ବିବଷ ମୁଁ ସେପରି ମୋର ସ୍ବଭାବରେ ବିବଷ |

ମୋ ମୁଣ୍ଡର କୁଣ୍ଡିଆ ନିବାରଣ ର ଏହା ଏକ ମାତ୍ରା ପଦ୍ଧତି | ତେଣୁ ଆପଣ ଆପଣଙ୍କ କାମ କରନ୍ତୁ ମୁଁ ମୋ କାମ କରୁଛି |
ଏହା କହି ସାରି ହନୁମାନ ଦ୍ବିତୀୟ ପର୍ବତ ମୁଣ୍ଡ ଉପରେ ରଖିଦେଲେ | ଶନି ଦେବ କହିଲେ ଆପଣ ଏଗୁଡିକ ଓହ୍ଳାଇ ଦିଅନ୍ତୁ | ମୁଁ ସନ୍ଧି କରିବାକୁ ପ୍ରସ୍ତୁତ ଅଛି | ଏହା ପରେ ହନୁମାନ ତୃତୀୟ ପର୍ବତ କୁ ଆଣି ମୁଣ୍ଡ ଉପରେ ଥୋଇଦେଲେ | ଶନି ଦେବ ଚିଲେଇ କହିଲେ ମୁଁ ଆପଣଙ୍କ ପାଖକୁ ଆସିବି ନାହିଁ | ହନୁମାନ କିନ୍ତୁ ମାନିଲେ ନାହିଁ ଏବଂ ଚତୁର୍ଥ ପର୍ବତକୁ ଆଣି ମୁଣ୍ଡ ଉପରେ ଥୋଇଦେଲେ | ଶନି ଦେବ ତ୍ରାହି ତ୍ରାହି ଡାକ ଛାଡିଲେ ଓ କହିଲେ ମୁଁ ଆପଣଙ୍କୁ ସ୍ମରଣ କରୁଥିବା ବ୍ୟକ୍ତି ପାଖକୁ ମଧ୍ୟ ଯିବି ନାହିଁ | ଆପଣ ମତେ ଓହ୍ଳାଇ ଯିବାର ସୁଯୋଗ ଦିଅନ୍ତୁ
|
ହନୁମାନ କହିଲେ ଆପଣ ବହୁତ ଜଲଦୀ ରେ ଅଛନ୍ତି | ବର୍ତ୍ତମାନ ତ ପଂଚମ ପର୍ବତ ବାକି ଅଛି | ଏତିକି ରେ ଶନି ତାଙ୍କ ପାଦ ତଳେ ପଡିଗଲେ ଓ କହିଲେ ମୁଁ ମୋର ପ୍ରତିଶ୍ରୁତି କୁ ମନେ ରଖିବି |
ଆଘାତ ର ଉପଚାର ପାଇଁ ଶନି ଦେବ ତେଲ ମାଗିଲେ | ହନୁମାନ ତେଲ କାହିଁକି ବା ଦେବେ ? ତେଣୁ ଆଜି ପର୍ଯ୍ୟନ୍ତ ଶନି ଦେବ ତେଲ ଦାନରେ ସନ୍ତୁଷ୍ଟ ହୁଅନ୍ତି |