ସତରେ କଣ ମା, ବାପା ଧରାପୃଷ୍ଠରେ ଭଗବାନ ହେଇ ଆସିଥାନ୍ତି

ସେଦିନ ବହୁତ ରାଗିଥିଲି । ସବୁ ସାଂଗ ନୁଆ ଗାଡି କିଣୁଛନ୍ତି, ମୁ ସେଇ ଭଂଗା ସାଇକେଲଟା ଧରିଛି ।ବାପାଙ୍କୁ ବହୁତ ଗାଳିଦେଲି ମନେ ମନେ । ଭାବିଲି ଖରା ଛୁଟିରେ ଘରକୁ ଆସି ଭୁଲ ହେଇଗଲା ।

ଦରକାର ନାହି ଏମିତିଆ ଘରେ ରହିବା ।ବ୍ୟାଗ ପ୍ୟାକ କଲି । ତରତର ହେଇକି ମା ଦୌଡି ଗଲା କଣ ଦିଟା ରୋଷେଇ କରିବ, ମୁଁ ଖାଇକି ଯିବି ବୋଲି ।ତାତ୍ସଲ୍ୟ କରି କହିଲି ବିଷ ଟିକେ ଦେଇଦେ ଖାଇଦିଏ । ଏମିତି ବେକାର ଜୀବନ ରଖି ଲାଭ କିଛି ନାହି ଯୋଉଠି ଇଛା ପୂରଣ ହୁଏନାହି ।

ମା କହିଲା ଧନରେ,ଚୁଡାଟିକେ ଗୋଳେଇ ଦଉଛି ଖାଇଦେ ।ଆଉ କିଛି ତରତରରେ ବନେଇ ହବନି । ରାଗିକି କହିଲି ଯାହା ଅଛି ଦେଇଦେ।ମୁଁ ଏଠୁ ପଳେଇବି ।ମୁଁ ଦେଖୁଥାଏ ଥାକ ଉପରେ ସେଇ ଡବା ଟିରୁ ଚିନି ଆଣି ମା ସବୁତକ ଢାଳି ଦେଲା ଆଉ କଦଳିଟିଏ ପକେଇ ଚୁଡା ଚକଟିକି ଦେଇଦେଲା।

ରାଗ ତମତମରେ ଖାଇଦେଲି ଆଉ ସେଠୁ ଚାଲି ଆସିଲି ବସ୍ ଷ୍ଟାଣ୍ଡ । ଆଉ ଆସିବିନି ଏଠିକି ।ସାମାନ୍ୟ ଗାଡି ଗୋଟେ ମାଗିଲି ମିଳିଲାନି ?

ଏମିତିଆ ଘରେ ରହିବାର ନାହି କହିକି ଚଢିଗଲି ବସ୍ ଉପରକୁ। ଭଗବାନ ଯେମିତି ମତେ ବହୁତ କିଛି କହିବା ପାଇ ଚାହୁଁଥିଲେ । ମନେପଡିଗଲା ହଷ୍ଟେଲ ଚାବିଆଣିନି ।ଓହ୍ଲେଇ ପଡିଲି ଆଉ ଘରକୁ ଫେରିଲି ଚାବି ନେଇ ପୁଣି ଆସିବି ବୋଲି ।ପାହାଚ ପାଖରେ ପହଞ୍ଚୁପହଞ୍ଚୁ ସେଇ କେତେକ ପଦ କାନ ରେ ବାଜିଗଲା ।ମହମ ପରି ତରଳିଗଲି ।ଆଗରୁ କେବେ ବାପାଙ୍କୁ କାନ୍ଦିବାର ଦେଖିନଥିଲି  । ଛୁଆଙ୍କ ପରି କାନ୍ଦୁଥିଲେ ।ପାଖରେ ମା ବସିକି କହୁଥିଲା ଛୁଆଟା ଘରୁ ବାହାରିଛି ଏବେ ,ଏମିତି କାନ୍ଦିଲେ ତାର ଖରା ହବ, କୋହଭରା କଣ୍ଠ ରେ ବାପା କହିଲେ ଧିକ୍ ମୋ ଜୀବନ ।ମୋ ଛୁଆଟାକୁ ଖୁସି ଟିକେ ଦେଇ ପାରୁନି ।

ସାଂଗ ମାନଂକ ଆଗରେ କେତେ ଅପଦସ୍ତ ହଉଥିବ । ମୁଁ ବର° ମରିିଯାଆନ୍ତି କି,ସରକାର ପାଖରୁ ଯୋଉ ପଇସା ମିଳିବ ତାକୁ ଗାଡି? ଗୋଟେ କିଣିଦବୁ,ଆଉ କିଛି କହିବୁନି ।

କାନ୍ଧରୁ ବ୍ୟାଗଟା ପକେଇଦେଲି ତଳେ, କାଂହିକି କେଜାଣି କଣ ହେଲା ବର୍ଷକର ଛୁଆ☃ ପରିକା ବାପା ମା ମଝିରେ ଯାଇକି ଶୋଇଗଲି ଆଉ ଯେତକ କୋହ ଥିଲା ଏକାଥରେ ଅଜାଡିଦେଲି     

ଗାଡି ମୋର ଦରକାର ନାହି, ମତେ ବାପା ଦରକାର, କହିକହି କୁଣ୍ଢେଇ ପକେଇଲି ବାପାଙ୍କୁ। ମନେମନେ ଭାବିଲି କଣ କରୁଥିଲି? କାହାକୁ କଷ୍ଟ ଦଉଥିଲି ?। ଲୁହ ପୋଛିଦେଲା ମା । ପାଖରେ ବସେଇ ବହୁତ ବୁଝେଇଲା ।ହେଲେ ଲୁହକୁ କଣ ବୁଝେଇ ହୁଏ ।

ବାପା ମା ମୋ ଜୀବନ । ମୁଁ ଜାଣିଲି ସେଇଦିନ ।ଉଠି ଚାଲିଗଲି ରୋଷେଇ ଘରକୁ ,କଣ ଦିଟା ଥିବ ଖାଇବି ।ରାଗରେ ଅଧା ଖାଇ ଚାଲି ଯାଇଥିଲି। ଆଖିରେ ପଡିଗଲା ବାପା ଅଧାଖାଇ ଥୋଇଥିବା ଛତୁଆ ଥାଳିଟି ଓପରେ । ଦଉଡିଗଲି ପାଟିରେ ଦିଟା ପକେଇଦେଲି…ଥୁ ଥୁ କରି ବାହାରକୁ ପଳେଇ ଆସିଲି ।ଏତେ ଲୁଣିଆ ? ମାକୁ ଯାଇ ପଚାରିଲି ।

ମା କହିଲା ଘରେ ଚିନି ନଥିଲା ତ, ଆଉ ପଇସା ବି ନଥିଲା, ତୁ ସକାଳୁ ଖାଇବୁ ବୋଲି ଟିକେ ରଖିଥିଲି, ଆମ୍ବିଳା ହେଇଗଲାଣି । ତକିଆ ତଳୁ ଦଶଟଙ୍କା ଟିଏ ଦେଇ କହିଲା ଯା କଣ ଦିଟା ଖାଇଦବୁ ।ସକାଳୁ କିଛି ଖାଇନୁ ।

କିଛି ବୁଝିପାରୁନଥାଏ ,ସତରେ କଣ ମା ବାପା ଧରାପୃଷ୍ଠରେ ଭଗବାନ ହେଇ ଆସିଥାନ୍ତି ।

 ଭଲ ଲାଗିଲେ ନିଶ୍ଚୟ ଜଣାନ୍ତୁ।